Arangkada of Leo Lastimosa for November 20, 2011

Tinuod nga sakit


Si kanhi Comelec chairman Benjamin Abalos Sr. gidali pagda sa tambalanan sa Mandaluyong sa wa pa matino nga hinungdan.  Wa siya maapil sa kasong electoral sabotage nga gipasaka ni Comelec Chairman Sixto Brillantes Jr. batok ni kanhi presidente Gloria Arroyo.  Apan ang paggawas na sa warrant of arrest batok ni Arroyo mahimong nakapapugwat ni Abalos nga sa mosunod nga mga adlaw maapil na siya ning kaso nga di kapiyansahan.
O tingali tungod sa edad.  Si Abalos, 76, mas hamtong kay ni Arroyo, 64.  Bisan si Brillantes, 71, gikatahong bag-o lang nakagawas sa ospital sa pagpasaka sa kaso batok ni Arroyo niadtong Biyernes.

-o0o-

Apan ang sakit mao nay kinaham nga panagang sa gamhanang mga politiko ug adunahang mga negosyante nga naapiki sa mga kaso.  Sa wa pa masakpi, mangangkon sa matag kahigayonan nga himsog sila ug way suliran sa panglawas.  Kon makiha, labi na kon padung nang posasan, modayon og tumaw ang bisan unsa na lang sakit--pulos ra ba gyod makamatay.
Si kanhi first gentleman Mike Arroyo isog ug baskog kaayong manaway nga diktadura nang pamunoan ni Presidente Noynoy Aquino.  Apan matag higayon nga maapiki og bag-ong kaso, modayon og kaluya ug mopahinumdom sa tanang hingtungdan nga may grabe siyang sakit sa kasingkasing.  Way kalainan ni Celso delos Angeles, nga kalit gitugkan og kanser sa tutonlan pag-ulbo sa eskandalo sa iyang Legacy banks.

-o0o-

Hinaot nga sa ilang paningkamot paglikay nga kapasanginlan nga way kukaluoy nilang gigukod ang masakiton nga si kanhi presidente Arroyo, di masobrahan ang paghatag sa tanang pabor sa Malakanyang.  Dihang nakiglalis pa sa Korte Suprema, nangugat ang mga abogado sa gobyerno nga di himatyon si Arroyo.  Karong napugngan nang paglarga, kuwang na lang og diyutay nga ingnon ang kapolisan nga di ipatandog si Arroyo.
Bisan gidakop na, si Arroyo nagpabilin nga di himatyon.  Ug nagpabiling luho ang iyang kuwarto sa St. Luke's Medical Center.  Kasaligang mga tinubdan nagbutyag nga ang kuwarto ni Arroyo balor og P50,000 matag adlaw.

-o0o-

Labaw sa tanan, hinaot nga andam na gyod ang mga abogado sa gobyerno sa mosunod nga gubat sa korte uban sa labing banggiitan nga mga abogado ni Arroyo.  Hinaot nga ang diriyot nga pag-ikyas ni Arroyo nakapapugwat na sa pamunoang Aquino nga lisod nang pasabton ang katawhan kon maabtan na sab og laing 500 ka adlaw una makalihok ang uban pang mga kaso batok ni Arroyo ug sa iyang mga hinanib.
Sa pikas nga bahin, di hinuon mabasol silang Arroyo ug Abalos kon wa nay tarung kinatulgan.  Kay ang ilang mga alas sa Korte Suprema nalupig ra man og huwes sa Pasay.  Ambot unsaon pagtimbakuwas ni Chief Justice Renato Corona.  Karon tingali nakasabot na nganong ni-resign si kanhi Ombudsman Merceditas Gutierrez.  [30]  leo_lastimosa@abs-cbn.com

Arangkada of Leo Lastimosa for November 19, 2011

Suite ni Glo

Ang Mount Elizabeth Hospital sa Singapore maoy unang duawon ni kanhi presidente Gloria Arroyo kon makagawas siya sa Pilipinas.  Ang 373 ka higdaanan nga pribadong tambalanan nag-specialize sa cardiology, oncology ug neuroscience.  Apan wa ko magtuo nga mao nay nakapadani ni Arroyo.

Ni ang nahimutangan sa Mount Elizabeth.  Nga naa sa kinapusoran sa shopping district sa Singapore.  Kay bisan tuod nimatuod nang mga doktor ni Arroyo nga hapit na siya maayo, sukwahi sa mga pangangkon nga himatyon na, ug bisan sa iyang pananghid sa Korte Suprema nga moggawas siya di lang aron magpatambal kon dili aron sab motambong sa duha ka international conference, di maayong makit-an siyang mag-shopping:  Kay mahimong matsambahan sa media ug peligrong moislag ang ubang shoppers.

-o0o-

Nahadlok ko nga ang tinuod nga hinungdan nganong ang Mount Elizabeth ang napilian ni Arroyo mao ang talagsaong kaluho sa tambalanan.  Nga usa sa kinaham nga mga destinasyon sa labing adunahan ug gamhanan nga mga pasyente sa Asya ug ubang bahin sa kalibotan.  Gibuksan niadtong 1979, ang Mount Elizabeth gipanag-iya na karon sa Parkway Holdings Ltd.m ang labing dakong health-care provider sa tibuok Asya.
Kay ang kuwarta di man usa sa mga suliran ni Arroyo, mahimong gipa-reserba na niyang daan ang Royal Suite.  Kansang inadlaw nga bayranan, palihug panggunit sa imong lingkoranan, 8,316 Singaporean dollars, o P278 141.55.  Wa pay labot ang 7% nga GST (goods and services tax), susama sa atong value added tax (VAT).

-o0o-

Bisan sa iyang pagpatambal, nakakita gihapon og kahigayonan si Arroyo sa pagpaukyab sa dako niyang katigayonan.  Kinahanglan hinuon nga magpabilin si Arroyo og upat ka adlaw sa Royal Suite sa Mount Elizabeth aron malabwan ang gasto sa usa lang nila ka panihapon sa Le Cirque sa New York niadtong 2009 samtang nagbangotan ang katawhang Pilipinhon sa kamatayon ni Cory Aquino.
Ang usa lang ka adlaw nga bayranan sa Royal Suite makapatukod na og duha ka classrooms sa atong public schools.  Kansang kakuwang gisulbad sa iyang pamunoan pinaagi sa pag-doble o pag-triple sa mga klase sa buntag, hapon ug gabii.

-o0o-

Ang eskandalo sa mga sinumbong nga manglikay sa ilang kaso pinaagi sa kalit nga pagkasakit ug pagtago sa luhong mga ospital, labi nang salida ni Arroyo, nakahimong madanihon sa sugyot nga magpasar og balaudnon nga ang mga opisyal sa gobyerno kinahanglang magpatambal sa mga ospital sa gobyerno kon simbako mangasakit sila.
Kon si Presidente Noynoy Aquino adto magpatambal sa Philippine General Hospital, si Gobernador Gwen Garcia sa Vicente Sotto Memorial Medical Center ug si Mayor Mike Rama sa Cebu City Medical Center, segurong molambo ang kalidad sa kahimanan ug pangalagad sa public hospitals.
Ug di na ta mahasol nga maghunahuna diin gikan ang kuwartang ibayad ni Arroyo sa Royal Suite sa Mount Elizabeth.  [30]  leo_lastimosa@abs-cbn.com

Arangkada of Leo Lastimosa for November 18, 2011

Di diay himatyon


Nisiwil ang sidsid sa saya ni kanhi presidente Gloria Arroyo sa petisyon nga iyang gipasaka sa Korte Suprema batok sa pagdili sa Malakanyang sa iyang pagbiyahe aron magpatambal sa gawas sa nasud.  Apan ang mayoriya sa mga mahistrado sa labawng hukmanan nipili sa paglingiw ug pagyanguyango sa nagkasukwahi niyang mga pangangkon.
Niang usa sa siwil:  Ang petisyon ni Arroyo niinsistir nga ang iyang kapakyas pagbiya aron pagpagaan o paglikay sa paggrabe sa iyang hypoparathyroidism ug metabolic bone disorder nakapatumaw sa kakuyaw nga ang iyang sakit mahimong permanente ug di na maayo; apan gisukip ni Arroyo sa petisyon ang testimoniya sa iyang mga doktor, silang Dr. Juliet Gopez-Cervantes ug Dr. Mario Ver, nga ang pasyente hingpit nang maayo sa iyang spine surgery sa unom ngadto sa walo ka buwan, kon way komplikasyon.

-o0o-

Sa ato pa, ang pangangkon ni Arroyo nga himatyon na siya gipanghimakak sa iyang kaugalingon nga mga mananambal.  Silang Cervantes ug Ver di mga doktor sa gobyerno nga igo lang nakalili og kadiyot sa pasyente.  Gani, si Ver ang naghimo sa tulo ka sunudsunod nga operasyon sa iyang spine.  Silay gisaligan ni Arroyo sa iyang kinabuhi ug silay labing suhito sa tinuod nga kahimtang sa iyang panglawas.

Laing siwil:  Ang pangangkon ni Arroyo ug sa iyang mga turutot nga kinahanglan siyang magpakita sa labing daling panahon sa endocrinologists ug ubang mga espesyalista sa nagkalainlaing kanasuran, nga ang una ilang gikasabot nga pakigkitaan unta sa Singapore gahapon sa udto, gisukwahi sa kabahin sa iyang petisyon nga nananghid nga motambong sab siya og duha ka international conference.  Unsa pa may laing katuyoan sa biyahe ni Arroyo nga wa maglambigit sa iyang kahimsog?

-o0o-

Maayo na lang nga di tanang mahistrado sa Korte Suprema ang nagpaka buta ug bungol sa kuwestiyonableng mga pangangkon ni Arroyo.  Nakabantay sa mga buslot nga nahisgutan sa ibabaw ug daghan pang uban si Associate Justice Maria Lourdes Aranal Sereno. Kinsa uban sa laing upat ka mahistrado--Antonio Carpio, Jose Mendoza, Bienvenido Reyes ug Estela Perlas-Bernabe--niawhag nga unya na hukman ang petisyon kon mapaminaw nang mga argumento sa gobyerno ni Presidente Noynoy Aquino.

Apan ang awhag gisalikway sa mayoriya, silang Chief Justice Renato Corona, Associate Justices Presbitero Velasco Jr., Arturo Brion, Diosdado Peralta, Lucas Bersamin, Roberto Abad, Martin Villarama Jr. ug Jose Perez.  Kinsa nihukom pagluwat dayon og temporary restraining order (TRO) sa way pagpaminaw nilang DOJ Secretary Leila De Lima ug Solicitor General Jose Anselmo Cadiz.

Wa sab magdali silang Corona ug kaubanan, gitakda ang oral arguments unya pa sa Martes sunod semana.  Mas unahon pa hinuon pagtuki angay bang sagpaon og contempt si De Lima sa dinalidali nila nga en banc session karong adlawa.  [30]  leo_lastimosa@abs-cbn.com

Arangkada of Leo Lastimosa for November 17, 2011

Korte ni Arroyo


Di makatabang sa ilang kawsa ang pagdalidali sa magtiayong Gloria ug Mike Arroyo paggawas sa nasud.  Makapalig-on lang ni sa pagtuo nga desperado silang molikay sa mga kaso nga nag-ung-ong batok nila.  Makapasamot lang sa pagduda nga nahadlok ang mga Arroyo nga gitinuod na gyong kampanya batok sa labing dagkong kawatan, apil o labi na nila.
Nalasaw ang kinaham nilang lusot, nga himatyon ang kanhi presidente ug nga sa gawas sa nasud ra siya matambalan, nalasaw tungod sa pangangkon sa ilang mga doktor nga ni-arang-arang nang iyang panglawas ug nga daghang espesyalista ug kahimanan sa mga tambalanan nga makaatiman niya dinhi.

-o0o-

Kon tinuod nga luya, di nang kalakaw ug himatyon na si Arroyo, nganong naghaguhago pa man siya pagkatkat sa ambulansiya ug pagsungasong sa bagang duot sa katawhan sa Terminal 1 sa Ninoy Aquino International Airport (NAIA) human gipahibawo ni Justice Secretary Leila de Lima nga gimandoan niyang Buro sa Imigrasyon pagbabag sa ilang biyahe?  Desperado na ba gyod silang moggawas?  O igo lang nisalida pagkuha og simpatiya?
Di makabasol ang mga Arroyo nga wa mokubit ang publiko sa ilang pagpaluoy-luoy.  Kay gawas nga wa silay angay, kadaghan na napaso ang katawhan sa daghan na uyamot nga sapawsapaw nilang inartista, pamakak ug pangilad.

-o0o-

Labaw nang di katabang sa pag-insistir sa Korte Suprema sa ilang kaligdong, atubangan sa sibaw nga mga pasangil nga pulos itoy ni Arroyo ang mayoriya sa mga mahistrado, ang (1) nasobrahang kamasaligon sa mga Arroyo ug ang (2) pag-inat sa labawng hukmanan sa mga lagda aron pag-ulog-ulog sa giisip nga tinuod nilang bosing.
Nag-book nang daan ang mga Arroyo og duha ka flights sa PAL bisan sa wa pa ipahibawo sa Korte Suprema ang resolusyon pagtugot sa ilang biyahe.  Ug nangabli ang labawng hukmanan hangtod sa gabii nang dako aron makapiyansa og P2 milyones ang mga Arroyo ug mahatdan og kopya sa resolusyon sa Department of Justice (DOJ).

-o0o-

Sa iyang pagpasaka og petisyon sa Korte Suprema batok sa watch list order (WLO) sa DOJ, si Arroyo nikuwestiyon sa iyang kaugalingong lagda, ang DOJ Circular No. 41, nga unang gipatuman sa iyang kanhi justice secretary, Alberto Agra, niadtong Mayo 25, 2010.
Sa pagtuki sa legalidad sa WLO, ang Korte Suprema mahimong mahigot sa ilang pagpabor sa samang mga lagda sa ubang mga buhatan:  Gipaboran nila ang pagluwat sa Presidential Commission on Good Government og hold departure orders batok sa gidudahang cronies ni kanhi presidente Ferdinand Marcos; ang ang deployment ban nga gipahamtang sa Department of Labor and Employment batok sa pipila ka overseas Filipino workers.
Sa ato pa, bisan sa wa pa silang Arroyo ug Agra, giila na sa labawng hukmanan nga ang pagdili sa pagbiyahe mapahamtang sa ubang buhatan, gawas sa mga hukmanan.  [30]  leo_lastimosa@abs-cbn.com

Arangkada of Leo Lastimosa for November 16, 2011

        Asoy sa numero

    Mga dumadapig ni Juan Manuel Marquez, nga hangtod karon di pang kadawat sa lain niyang kapildehan ni Manny Pacquiao, nireklamo nga di makiangayon ang pagtutok sa kinatibuk-ang gidaghanon sa kumo nga naihap sa Compubox, ang computerized punches scoring system.  Kay ang mas daghang kumo ni Pacquiao (176 batok 138) nahimo sa hinapos nang mga round human sa pagdominar ni Marquez sa sangka.
    Apan ang mas detalyadong kuwentada sa compuboxonline.com nagpakita nga mas daghang kumo si Pacquiao nga nakaigo sa 11 sa 12 ka rounds nilang sangka niadtong Dominggo.  Nalabwan lang siyang Marquez sa ikawalo nga round ug tabla sila sa ikasiyam.  Sa power punches, labaw si Pacquiao sa walo ka rounds; nakabentaha lang si Marquez sa una, ikaduha, ikalima ug ikawalo.

-o0o-

    Ang dakong baligho mao nga sa unang duha nila ka sangka, segun gihapon sa Compubox, si Marquez ang mas daghan og kumo nga nakaigo (330 batok 305) ug nidominar sa mas daghang rounds (12 batok 9).  Tabla sila sa tulo ka rounds.  Nakabentaha hinuon gihapon si Pacquiao kay iyang gipatumba si Marquez og katulo sa unang sangka ug kausa sa ikaduha.
    Sama sa ikatulo nilang sangka, si Pacquiao ang mas kugihan sa unang duha.  Sama sa naandan, gipaboran sa mga huwes ang mas agresibong boksidor kay sa kaatbang nga mobawos lang kon unahan.

-o0o-

    Naluya na ba si Pacquiao?  Segun gihapon sa Compubox, nitidlom ang gidaghanon sa mga kumo ni Pacquiao sa ikatulong sangka nilang Marquez (48 matag round) kon itandi sa nagpungasi niyang mga kumo (79 matag round) sa pito ka sangka nga pulos niya gidaog human sa ikaduha nilang panag-abot ni Marquez.  76 ka kumo matag round ang iyang gibuhian batok sa welterweights nga silang Miguel Cotto, Joshua Clottey ug Shane Mosley.
    Mas hingigo ang jabs ni Pacquiao batok ni Marquez niadtong Dominggo (19%) kon itandi sa 13% ra sa nangaging mga sangka.  Nius-os ang iyang power punches nga nakaigo, 43% niadtong Dominggo batok sa 48% sa nangaging mga sangka.

-o0o-

    Naluya na ba si Marquez?  Nitidlom sab ang gidaghanon sa iyang kumo sukad sa ikaduha nilang sangka ni Pacquiao, 36 ka kumo matag round niadtong Dominggo kon itandi sa 60 ka kumo matag round sa nangaging mga sangka.
    Labing kugihan si Marquez sa ikasiyam nga hugna niadtong Dominggo, kanus-a nibuhi siya og 56 ka kumo.  Gilupig hinuon gihapon siyang Pacquiao nga nibuhi og 70 ka kumo sa samang round.  Nikalit pagtidlom ang gidaghanon sa kumo ni Marquez ngadto sa 36 ka kumo matag round sa kataposang tulo ka rounds.  Ambot tungod ba sa pasalig sa iyang trainer, Nacho Beristain, nga nag-una siya sa scorecards.  O gihahinumdoman sa iyang lawas nga 38 anyos na siya.  [30]  leo_lastimosa@abs-cbn.com

Arangkada of Leo Lastimosa for November 15, 2011

Nganong daog si Pacquiao


Kon pareha mo nako nga mas dako ang interes kay sa kasayuran sa scoring system sa boksing apan gustong moapil sa nagpadayong lalis makiangayon bang kadaogan ni Manny Pacquiao batok ni Juan Manuel Marquez, niang batakan nga mga lagda nga tumanon sa tulo ka huwes pagbanabana sa puntos sa mga boksidor:

• Kon ang huwes makakita nga mas daghang kumo ni Pacquiao nga nakaigo sa usa ka round, hatagan niya og 10 puntos si Pacquiao ug 9 puntos si Marquez;
• Kon si Marquez mapatumba ni Pacquiao, ang huwes mohatag og 10 puntos ni Pacquiao ug 8 puntos ni Marquez;
• Kon ang huwes makahukom nga way nakadaog sa round, hatagan niya og 10 puntos ang matag boksidor; ug
• Kon ang boksidor silotan sa referee (sama sa pag-igo ubos sa bakos) ang referee momando sa tulo ka huwes nga kuhaan og usa ka punto ang boksidor gikan sa score card sa maong hugna.

-o0o-

Mao ni sukaranan sa mosunod nga katin-awan sa mga dumadapig ni Pacquiao:

• Ang challenger kinahanglan nga maoy mo-atake kay sa higpit nga mga hugna ang defending champion maoy kasagarang hatagan og 10 puntos;
• Sa ilang sangka niadtong Dominggo, si Pacquiao ang kanunayng ni-atake samtang si Marquez naghuwat lang sa atake dayong bawos;
• Bisan kon daghan pang kumo si Marquez nga nakaigo (nga sukwahi sa naihap sa CompuBox, ang computerized punches scoring system nga giduma sa duha ka operators), 9 puntos lang gihapon ang makuha sa iyang pagdepensa ug si Pacquiao makakuha og 10 puntos sa pag-atake; sa ato pa
• Kay mas daghan man og "10" si Pacquiao, siya ang nidaog.

-o0o-

Ang tulo ka huwes buwag nga gipahimutang sa matag eskina sa ring.  Sa ikaupat nga eskina magpahimutang ang ring-side commissioner.  Maong masabot kaayo nganong managlahi ang score sa mga huwes kay lainlain man ang mga anggulo sa sangka nga ilang makita.

Ang referee mokolekta sa scorecards sa mga huwes human sa matag hugna ug itunol ngadto sa commissioner.  Human sa sangka, ang commissioner ang mokuwenta sa tanang puntos aron pagkab-ot og desisyon (daog, pilde, o tabla):

-o0o-

• Kon ang tanang huwes mopadaog ni Pacquiao, daog sa unanimous decision (UD) si Pacquiao;
• Kon ang duha ka huwes mopadaog ni Pacquiao ug usa ka huwes mohukom nga tabla, daog nga majority decision (MD) para ni Pacquiao;
• Kon duha ka huwes mopadaog ni Pacquiao ug usa ka huwes mopadaog ni Marquez, daog nga split decision (SD) para ni Pacquiao;
• Kon ang tanang huwes mohukom nga tabla, draw pinaagi sa unanimous decision (D-UD); ug
• Kon duha ka huwes mohukom og tabla ug usa ka huwes mopadaog sa usa ka boksidor, ideklar ang sangka nga majority draw (D-MD).  [30]  leo_lastimosa@abs-cbn.com

[DYAB 1512] Kapamilya Gospel

DAILY GOSPEL «Lord, to whom shall we go? You have the words of eternal life.» John 6,68 Sunday, 13 November 2011 Thirty-third Sunday in Ordinary Time Saint(s) of the day : St. Frances Xavier Cabrini, Virgin and Foundress (1850-1917) - Memorial,  St. Agostina Livia Pietrantoni, Virgin (1864-1894) See commentary below or click here Blessed Teresa of Calcutta : "You were faithful in small matters... Come, share your master's joy" Book of Proverbs 31:10-13.19-20.30-31. When one finds a worthy wife, her value is far beyond pearls. Her husband, entrusting his heart to her, has an unfailing prize. She brings him good, and not evil, all the days of her life. She obtains wool and flax and makes cloth with skillful hands. She puts her hands to the distaff, and her fingers ply the spindle. She reaches out her hands to the poor, and extends her arms to the needy. Charm is deceptive and beauty fleeting; the woman who fears the LORD is to be praised. Give her a reward of her labors, and let her works praise her at the city gates. Psalms 128(127):1-2.3.4-5. A song of ascents. Happy are all who fear the LORD, who walk in the ways of God. What your hands provide you will enjoy; you will be happy and prosper: Like a fruitful vine your wife within your home, Like olive plants your children around your table. Just so will they be blessed who fear the LORD. May the LORD bless you from Zion, all the days of your life That you may share Jerusalem's joy First Letter to the Thessalonians 5:1-6. Concerning times and seasons, brothers, you have no need for anything to be written to you. For you yourselves know very well that the day of the Lord will come like a thief at night. When people are saying, "Peace and security," then sudden disaster comes upon them, like labor pains upon a pregnant woman,and they will not escape. But you, brothers, are not in darkness, for that day to overtake you like a thief. For all of you are children of the light and children of the day. We are not of the night or of darkness. Therefore, let us not sleep as the rest do, but let us stay alert and sober. Holy Gospel of Jesus Christ according to Saint Matthew 25:14-30. It will be as when a man who was going on a journey called in his servants and entrusted his possessions to them. To one he gave five talents; to another, two; to a third, one--to each according to his ability. Then he went away. Immediately the one who received five talents went and traded with them, and made another five. Likewise, the one who received two made another two. But the man who received one went off and dug a hole in the ground and buried his master's money. After a long time the master of those servants came back and settled accounts with them. The one who had received five talents came forward bringing the additional five. He said, 'Master, you gave me five talents. See, I have made five more.' His master said to him, 'Well done, my good and faithful servant. Since you were faithful in small matters, I will give you great responsibilities. Come, share your master's joy.' (Then) the one who had received two talents also came forward and said, 'Master, you gave me two talents. See, I have made two more.' His master said to him, 'Well done, my good and faithful servant. Since you were faithful in small matters, I will give you great responsibilities. Come, share your master's joy.' Then the one who had received the one talent came forward and said, 'Master, I knew you were a demanding person, harvesting where you did not plant and gathering where you did not scatter; so out of fear I went off and buried your talent in the ground. Here it is back.' His master said to him in reply, 'You wicked, lazy servant! So you knew that I harvest where I did not plant and gather where I did not scatter? Should you not then have put my money in the bank so that I could have got it back with interest on my return? Now then! Take the talent from him and give it to the one with ten. For to everyone who has, more will be given and he will grow rich; but from the one who has not, even what he has will be taken away. And throw this useless servant into the darkness outside, where there will be wailing and grinding of teeth.' Copyright © Confraternity of Christian Doctrine, USCCB Commentary of the day : Blessed Teresa of Calcutta (1910-1997), founder of the Missionary Sisters of Charity Prayer : Seeking the Heart of God, with Bro. Roger "You were faithful in small matters... Come, share your master's joy" «I have kept the Lord always before me; since he is at my right hand, I shall not slip» (Ps 16[15],8). For if there is one thing that Jesus asks of me, it is to lean on him, entrust myself to him alone, abandon myself to him without reserve... We should not try to control God's actions. We must not count the stages in the journey he asks us to undertake. Even if I feel like a boat adrift, yet I must give myself wholly to him. If this seems difficult, remember that we are not called upon to succeed but to be faithful. Fidelity, even in small things, is important – not  for the sake of the thing itself, which would be the concern of a small-minded soul, but for the sake of the great thing which is the will of God. Saint Augustine said: «Small things remain small, but to be faithful in small things is a great thing. Isn't our Lord just the same in a poor guest as in a great one?» (cf. Mt 25,40).

--
To post, send email to dyab1512@googlegroups.com
Visit Us at http://groups.google.com/group/dyab1512?hl=en
DYAB Cebu Live Webcast: http://tinyurl.com/abcebu
DYAB Web Log: http://dyab-cebu.blogspot.com/
Chat with Us: Our account name is dyab1512 for Yahoo Messenger, Google Talk, ICQ, Skype, GMail Chat and MSN Messenger