Arangkada of Leo Lastimosa for June 13, 2010

                        Pagdagan o paglakaw

 

            Sa labing unang higayon, nagparehistro ko sa lumba sa dagan.  Sa among kaugalingong lumba.  Kon wa kaabot og napu ka tuig ang DYAB Kapamilya Run, di gyod unta ko magparehistro.  Wa pa gyod koy plano nga modagan.  Nagparehistro lang ko dihang gipamub-an ang labing mubo nga kategoriya gikan sa tulo ka kilometro ngadto na lang sa usa ka milya (1.6 ka kilometro) ug gitugotan ang mga mangapil nga manlakaw lang.

            Lipay kaayo ko pagkadawat sa akong singlet.  Gipatabanan pa sa akong numero (2,153), mapa ug mga lagda ug mga tugon sa lumba.  Pag-uli sa amo, nikalit lang ka-interesado ang akong asawa.  Maong naiya ang akong singlet ug kinahanglan kong magparehistro pag-usab.

-o0o-

            Mas daghang nagpalista alang sa among lumba karong tuiga.  Tungod tingali sa bag-o namong kaabag (Runcheck nga giduma nilang Kenneth Caquejo ug Annie Neric) o sa nagkadaghan nang mga Sugbuanon nga gustong managan.  O manlakaw.  Hapit tanang suod nakong higala nagpalista.  Pipila nila managan gyod.  Kasagaran, sama nako, manlakaw.  Ang uban nagsusi na gani unsay lamiang mga kan-anan sa Asiatown IT Park nga mangabli og sayo.

            Nanghinaot kong madugangan pa gyod ang magpalista.  Kay ang tanang matigom human sa cash prizes ug ubang gasto (kadto lang di na gyod mahangyo og ex-deal) igahin sa pag-ayo sa labing gubaon nga classrooms sa public schools sa Sugbo nga ilhon sa Departamento sa Edukasyon.

-o0o-

            Wa gyod koy problema sa dagan niadtong elementary pa.  Akoy hawod sa 100 meter dash sa among tulonghaan.  Naghimo pa gani og hurdles sa among tugkaran.  Wa hinuon kong nakaabot og provincial meet.

            Dugay na kong naghunahuna nga mobalik og dagan.  Tungod sa kahadlok nga modako ang akong tiyan.  Kasagaran gud sa akong nailhang kurakot nga opisyal sa gobyerno ug sakop sa media nagbusyad ang tiyan.  Apan nagsugod nag sakit ang akong tuhod.  Maong kutob lang ko sa lakaw.  Apan ang akong lakaw sa dan maoy gibasol sa akong asawa sa mga atake sa sinusitis nga nakapainutil nako sa pila na ka higayon.  Maong kutob na lang ko sa lakaw sa palibot sa among bay.

-o0o-

            Dihay higayon nga nagpasiugda ang DYAB og walking club.  Nga manlakaw sa IT Park ug dayon mangaon og cereal sa sayong buntag sa Dominggo.  Nagkakita mig pipila ka higayon.  Hangtod nga among naamgohan nga mas lisod ang pagmata og sayo kay sa pagbalibad sa mas mantekaon nga pamahaw.

            Apan kon maatlan ko sa IT Park o sa Cebu City Sports Center sa sayong buntag o sayong gabii, maibog ko sa kadaghan sa nakabuntog sa ilang katapol.  Bahala na kon pipila nila akong nahibaw-an nga mag-inasal gihapon inigka human.  Hinaot nga di pa uwahi ang tanan pagkuyog sa nagkadako nga kalihokan.  Sa pagdagan.  O paglakaw.  [30]  leo_lastimosa@abs-cbn.com

Arangkada of Leo Lastimosa for June 12, 2010

                        Way mahinugon

 

            Sa posibleng kataposang higayon sa ilang pagkuyog atubangan sa publiko isip commander in chief ug AFP chief, silang Pres. Arroyo ug Heneral Delfin Bangit naneguro pagdayeg ug pagpasidungog sa usag-usa.  Panagana nga mataligam-an paghisgot sa mga mopuli nila ang dako nilang tampo alang sa nasud.

            Way makabasol nila.  Kay pulos sila sinalikway.  Ang nangalisbo nga pamunoan ni Arroyo maoy nakapilde sa iyang gipahibawo nga iyang gipaluyohan nga si Gibo Teodoro ug ang gidudahan nga sekreto niyang gipaluyohan nga si Manny Villar.  Ug si Bangit gilaktawan sa Commission on Appointments, bisan kon kasagaran sa mga sakop alyado ni Arroyo.  Nga garantiya nga magdungan og kapupos ang termino nilang Bangit ug Arroyo.

                        -o0o-

            Si Bangit niingon nga ang mga nanaway ni Arroyo wa kahibawo sa iyang katakos sa pagtrabaho.  Sukwahi ang panglantaw ni Bangit kay, niya pa, nakaalagad siyang Arroyo sukad niadtong bise presidente pa siya.

            Kon wa pang kasabot si Bangit nganong gidudahan siya sa nagkalainlaing hut-ong sa katilingban, bisan sa subli-subli niyang pasalig nga propesyonal siyang sundawo nga ang interes sa katawhan maoy iyang ipatigbabaw, ang gikumpisal niyang talagsaon nilang kasuod ni Arroyo mahimong maoy hinungdan.  Sa way paghisgot sa kapakyas niya pagtugkad nga mas mahinungdanon kay sa gipakita ni Arroyo sa pribado ang iyang gipasiugdahan nga dakong katalagman nga nakaduhig sa kinabag-an.

                        -o0o-

            Si Arroyo sa iyang bahin nipasidungog ni Bangit tungod sa iyang gihulagway nga labing malinawon nga piniliay niadtong Mayo 10 ug sa kamatinud-anon sa kasundalohan sa siyam ka tuig niyang pamunoan.  Giawhag niya ang kasundalohan sa padayon nga pagpanalipod ug pagpatigbabaw sa batakang balaod.

            Wa maghisgot si Arroyo sa laing piniliay nga iyang giduma uban sa Armadong Kusog—ang piniliayng presidensiyal niadtong 2004.  Kanus-a gipasanginlan siya nga way pupanagana nga nigamit sa kasundalohan ug kapolisan pagkawat sa mandato gikan sa katawhan.  Pasangil nga wa niya tarunga pagtubag.  Nga hinaot matinuod na pagtuki kon kahukasan sa iyang presidential immunity lapas sa udtong tutok sa Hunyo 30.

                        -o0o-

            Nangangkon og kredito si Arroyo pagpalambo sa suholan ug benepisyo sa kasundalohan.  Gipasalamatan siyang Bangit tungod sa pagdugang sa kasundalohan ug paghimo nilang mas takos pagpanalipod sa nasudnong seguridad.  Way usa nilang naghisgot sa kapakyas sa hingpit nga pagpatuman sa hagbay rang naaprobahan nga modernisasyon sa Armadong Kusog.

            Nanamilit si Bangit uban ang pasumbingay nga pagsaway sa bag-ong pamunoan.  Nanamilit si Arroyo ug nipasalig nga mopahuway sama sa mga sundawo.  Apan di andam ang katawhan nga magbangotan sa kahinugon sa ilang pagbiya.  May sukaranan ang sibaw nga pagduda nga kon di pa tungod sa pasidaan sa ubang heneral ug kon di pa tungod sa kalapad sa suporta nga nadawat ni President-elect Noynoy Aquino, mahimong di mapugos sa pagpanamilit silang Arroyo ug Bangit.  [30]  leo_lastimosa@abs-cbn.com

Arangkada of Leo Lastimosa for June 11, 2010

                        Lingkawas gikang Arroyo

 

            "Bag-o na gyod ang atong presidente," tua sa drayber sa taxi, "makalingkawas na gyod tang Arroyo."  Wa siya mag-inusara.  Wa silang kahibawo unsay mahitabo ubos sa bag-ong pamunoan.  Apan igo na alang nila nga mapupos na gyod sa udtong tutok karong Hunyo 30 ang nangalisbo nga pamunoan ni Gloria Macapagal-Arroyo.

            Way makabasol nila.  Ang siyam ka tuig nga pagduma ni Arroyo sa Malakanyang naputos sa way kinutoban nga mga eskandalo, sa way kukaikog nga pag-abuso sa gahom, sa way kukauwaw nga pagpahimus sa katungdanan ug sa pinatuyangan nga pagpaburot sa personal nga kabulahanan.  Nilahutay lang si Arroyo tungod sa kakuwang sa alternatibo.  Tungod sa panghadlok nga mahimong mas kawatan pa ang mopuli niya.

                        -o0o-

            Nga nilampos pagbuak-buak sa nagpakabana nga katawhan nga determinadong naningil og katin-awan sa nabisto nga mga ebidensiya nga kinawat ang mandato ni Arroyo sa piniliayng presidensiyal niadtong 2004.  Kay ang tanang nitanyag pagpuli ni Arroyo pulos kadudahan—bilyonaryo nga niggamit sa katungdanan pagpalambo sa pribadong patigayon, kanhi presidente nga nakonbikto og plunder ug sakop sa gabinete nga nagpakabuta-bungol sa mga binuang sa Malakanyang.

            Hangtod nga nidagan si Senador Noynoy Aquino.  Nga di kapasanginlan nga naghiting-hiting ang politikanhong ambisyon.  Kansang bugtong atraso mao nga nailo sa bayaning mga ginikanan ug nisanong sa awhag sa katawhan nga nangandoy og ligdong nga liderato.

                        -o0o-

            Mao nga alang sa drayber sa taxi ug sa mga sama niya og panghunahuna, di kinahanglan nga magmilagro si Aquino inig lingkod na isip ika-15 nga presidente sa republika.  Kay hagbay ra silang nakumbinser nga milagro ray makasulbad sa usa lang ka pamilok sa nakagamot nang pangurakot, nagkalapad nga katimawa ug nagkalawom nga inhustisya.

            Yano ra ang ilang gipangayo:  Nga tumanon lang ni Aquino ang iyang panumpa nga di siya kawatan ug nga di siya mangawat.  Mas yano ang ilang pangandoy:  Nga giniyahan sa namatay niyang inahan ug amahan, makatsamba si Aquino sa pagsikop og dakong smuggler, tang-an nga tax evader ug gikaintapan nga kawatan sa kagamhanan.

                        -o0o-

            Way bag-ong sulbad sa kakabos ang gitanyag ni Aquino atol sa kampanya.  Sa iyang paglingkod sa Malakanyang, manghinaot si Aquino nga may sukaranan ang iyang pagtuo nga kon way pangurakot way magkalisudlisod.  Kay ang binilyon ka pesos nga maluwas gikan sa pangurakot mahimong gamiton pagtukod og dugang tulonghaan, paghingpit sa tambal ug kahimanan ug sa mga tambalanan, pagtukod og kadalanan nga mopasayon sa pagtumod sa abot sa mga mag-uuma ngadto sa kamerkadohan ug pagmugna og dugang kahigayonan sa trabaho.

            Apan ang mga kawatan di moboluntaryo pag-uli sa ilang kinawat nga katigayonan.  Sa di pa masilotan, kinahanglang husayon una sa samang mga hukmanan nga niyaka sa mga kaso batok sa mga Marcos ug sa ilang cronies.  Nagkinahanglan tinuod si Aquino og milagro.  [30]  leo_lastimosa@abs-cbn.com

Arangkada of Leo Lastimosa for June 10, 2010

                        Malaumon ni Noynoy

 

            Samtang nagtigom mi mahitungod sa DYAB Kapamilya Run, nga ipahigayon karong Dominggo, nihugyaw ang among kaubanan sa gawas sa conference room.  "Giproklamar na si Noynoy!," nisiyagit sila.  Alas-3:45 sa hapon nga giaprobahan sa mga sakop sa Kongreso, nga nanglingkod isip National Board of Canvassers (NBOC), ang proklamasyon nilang Senador Aquino ug Makati City Mayor Jejomar Binay.

            Mas sayo kay sa gipaabot nga nahuman ang mga diskurso sa mga kongresista ug mga senador.  Kinsa wa gyod mosugot nga igo na lang pasiyagiton sa ilang pag-uyon o pagsupak sa proklamasyon.  Inay sa gipaabot nga proklamasyon sa kilumkilom, giisa nilang Senate President Juan Ponce Enrile ug House Speaker Prospero Nograles ang mga kamot nilang Aquino ug Binay pasado alas-4 sa hapon.

-o0o-

            Nanghilak ang pipila sa akong kaubanan.  Nilama sa ilang mga panagway ang pagkahingpit sa paglaom sa bag-ong sinugdanan.  Si Aquino, nga napu ka buwan ang nilabay igo lang naghunahuna pagtiwas sa iyang termino sa Senado, molingkod na sa kinatas-an nga katungdanan sa kagamhanan sa udtong tutok karong Hunyo 30.

            Sa iyang nagsaguyod nga linakwan, nagbako nga postura ug nipis nang buhok, nabantang ang saad sa pagkatuman sa makiangayong kausaban nga dugay nang gipangandoy sa katawhan.  Ang mas masaligong mga tubag sa labing lisod nga mga pangutana sa media, bisan nabalda sa pag-ubo nga nakapahinumdom sa kadaghanan sa di mabiyaang bisyo sa pagpanigarilyo, nipasihag sa lunsayng determinasyon nga lisod nang makit-an sa mga politiko sa atong bag-ong panahon.

-o0o-

            Bisan sa kalinga sa ubang mga gimbuhaton, nga nakahimong imposible sa pagsubay sa tanang kalihokan sa proklamasyon, may gamayng uylap sa akong kasingkasing.  Nga nakapahinumdom nako sa wa masabting pagbati nga nakapalugmaw sa gamayng lusok sa akong luha napu ka buwan nang nilabay—dihang namatay si kanhi presidente Corazon Aquino.

            Niadtong higayona, mora kong gibundakan sa kaamguhan nga may luna diay ang kaligdong bisan sa labing taas nga luna sa kagamhanan.  Samtang nipasiklap sa proklamasyon, may gamayng tingog nga gituaw ang akong galamhan nga tingali, tingali lang, may kahigayonan nga mabanhaw ang dugay nang gikamingawan nga kaligdong sa pamunoan.

-o0o-

            Duha ang labing dako nakong kahadlok sa paglingkod ni Aquino sa Malakanyang:  Una, mahimong lamyon siya sa nangalisbo nga sistema; o ikaduha, nga patyon siya sa di pang kabuylo sa pagbadlong sa pangawat sa nagkalainlaing ang-ang sa kagamhanan ug sa katilingban.

            Nalipay kong nakakita nga nahibawo si Aquino sa kalisod sa iyang gimbuhaton.  Di niya mapapas ang kanser sa usa lang ka pamilok.  Nagduda ko makasipong ba og dakong smuggler ug tax evader sa unang 100 ka adlaw sa iyang pamunoan.  Ni sa laing pasalig nga makahimo na og makahuloganong kausaban sa unang duha ka tuig.  Apan way makapugong ni Aquino paghimo sa unang mga lakang.  Ug natong tanan pagpangaliya alang sa iyang kalamposan.  [30]  leo_lastimosa@abs-cbn.com

Arangkada of Leo Lastimosa for June 9, 2010

                        Taktika ni Binay

 

            Karong nahuman na ang iskutenyo sa Kongreso sa mga boto sa presidente ug bise presidente, naklaro nang mosunod:

·        Kon wa pa modagan si Senador Noynoy Aquino, mahibalik unta sa Malakanyang si kanhi presidente Joseph Estrada uban sa mga bagahe sa iyang bisyo, jueteng ug pagka konbikto sa higanteng pagpangawat;

·        Kon wa pa mosakripisyo si Senador Mar Roxas sa iyang ambisyon nga mag-presidente, mabuak untang Partido Liberal tali nilang Aquino ug modaog unta si Estrada; ug

·        Wa mapalit sa binilyon ka pesos ni Senador Manny Villar ang labing taas nga katungdanan sa nasud, wa hinuoy makatag-an unsay mahitabo kon gigamit pa ang samang binilyon paghimog pelikula.

-o0o-

            Ang final ug official tallies nga giluwatan sa National Board of Canvassers (NBOC) makahatag nato og gamayng lilianan giunsa pagpilde ni Makati City Mayor Jejomar Binay (14,645,574) si Roxas (13,918,490) sa pagka bise presidente pinaagi sa paglayat gikan sa iwit sa pagsugod sa kampanya ngadto sa pagtumpi og 727,084 ka boto nga mayoriya:

·        9 milyones sa iyang boto gikan sa lunod-patay nga mga dumadapig ni Estrada;

·        Usa ka milyon ka boto naggikan sa mga dumadapig ni Aquino nga nisalikway ni Roxas tungod sa pagbudhi sa Ninoy Aquino for President Movement ug ubang kahugpongan;

·        Usa ka milyon ka boto gikan sa mga dumadapig ni Villar nga iyang nakumbinser sa pagsalikway ni Senador Loren Legarda;

·        Tulo ka milyon ka boto gikan sa mga lunod-patay ni Teodoro nga nag-Binay tinalikdan si Edu Manzano; ug

·        700,000 ka boto gikan sa mga dumadapig ni Bro. Eddie Villanueva nga nadani ni Binay.

-o0o-

            Sa ato pa, si Binay nilusad sa usa sa labing way uwaw nga kampanya sa kasaysayan.  Gisudlan ang kahugpongan sa tanang kandidato pagka presidente aron lang masaling-it ang iyang ngan.  Mao diay nga bisan ang mga rallies sa mga dumadapig nilang Aquino, Villar ug Teodoro gipabahaan og sample ballots nga nag-pares ni Binay sa ilang kinaham nga presidentiable.

            Bisan ang mga dumadapig ni Villanueva wa pasayloa.  Ug wa magmahay si Binay pag-submarino ni Perfecto Yasay.  Ang nakuha niya gikang Villanueva maoy nakapalansang sa lungon sa kandidatura ni Roxas.

-o0o-

            Ang nangalisbong taktika ni Binay makapasamot sa kahadlok nga sundon sa tinuod nga kinabuhi ang bag-ong natapos nga teleserye nga naghulagway sa Malakanyang kansang bise presidente dakong kawatan.  Apan ang daog, daog gyod.  Kay abli mang duha ka mata ni Roxas nga nisud sa duwa sa politika, angay siyang modawat sa kamatuoran.

            Ang pagmando sa iyang mga abogado paghipos sa tanang ebidensiya sa giingong pagpanikas ni Binay di makatabang sa kawsa ni Roxas.  Inay moprotesta, angayng pasalamatan ang tanang 13.9 milyones nga nibotar niya ug moangkon sa kapildehan.  Sa di pa maproklamar silang Aquino ug Binay.  [30]  leo_lastimosa@abs-cbn.com

[DYAB 1512] Lakers' 103-94 Game 2 loss to the Boston Celtics points to inconsistent exec...

 

 

Sent to you by Leo via Google Reader:

 

 

Lakers' 103-94 Game 2 loss to the Boston Celtics points to inconsistent execution

via Lakers Blog by Mark Medina on 6/7/10

The Lakers walked into the locker room Sunday night following their 103-94 loss to the Boston Celtics in Game 2 of the NBA Finals with very little to say. That's because what happened on the court said it all, and in this case, it didn't play out the way the Lakers wanted.

They knew their Game 1 victory only served as the beginning of the series and paid no attention to the 47-0 mark that Coach Phil Jackson has when his teams win the first game. But they thought they could do what Jackson's other playoff teams have done in maintaining control of the series. They knew the Celtics would make adjustments after suffering in effort and execution in their Game 1 loss, but the Lakers thought they could anticipate the changes. They knew their 12th NBA Finals matchup with Boston would be competitive, but that doesn't erase the sting of the Celtics stealing home-court advantage.

"Everybody was pissed off, quiet," Lakers center Andrew Bynum said of the postgame atmosphere, which accurately reflected the vibe once the media entered the locker room.

That wasn't the case, however, when Jackson and his coaching staff approached the team, with the Zen Master relaying a simple message.

"This might be the last time you'll play here," Jackson said, pointing to the fact that the Celtics would secure the 2010 championship with three consecutive home victories at TD Garden, beginning Tuesday. "That woke everybody up," Bynum admitted.

Surely, Jackson's message served its motivational purposes. And he confirmed that when he acknowledged to reporters, "We anticipated this might happen, and we're just going to have to go pick it up." Those conflicting messages actually strike the measured approach the Lakers took after their Game 1 victory, insisting their dominant win meant very little beyond needing only three more to secure a championship. Likewise, the Lakers' Game 2 loss means very little beyond except that they have to get at least one road win. As Lakers guard Derek Fisher said, "The reason why we remember the great Lakers-Celtics games in the 80s is because there wasn't anybody getting swept."

"It's a series," Lakers guard Kobe Bryant accurately stated. "You're trying to stay even keel. You don't get too high, don't get too low after a win or loss. You just go into the next one and take care of business."

And unfortunately for the Lakers, many of the poor lapses overshadowed any areas they excelled.

Fourth quarter lapse

Despite playing inconsistently for most of the game, the Lakers managed to lead 90-87 with 5:21 remaining in the fourth quarter. That marked the last time the Lakers would hold the advantage.

"We fought pretty hard to get back in the game," said Bryant, who scored 21 points on eight-of-20 shooting along with six assists and five rebounds. "And then we let the game slip away."

Celtics guard Rajon Rondo immediately drove the lane for a layup, Bryant missed a 13-foot turnaround, Artest collected two consecutive fouls and Rondo recovered a deflection and scored after Gasol's blocked shot on Celtics center Kendrick Perkins. His layup gave the Celtics a 91-90 edge with 3:20 left, and Boston would never relinquish the lead from there.

Artest made a bad pass, Garnett made a turnaround jumper, Fisher missed a key three-pointer and the Celtics collected three consecutive offensive rebounds before Rondo hit a 20-footer to give Boston a 95-90 lead. That sequence served as a microcosm for the Lakers, who finished with 15 turnovers, allowed Boston to get 13 offensive rebounds and shot only 40.8% from the field in the game and 22.7% from three-point range.

"That was tough, deflating," Gasol said.

And unfortunately for the Lakers, the woes continued, marking a 4 minute and 9 second stretch where the Lakers went scoreless. They scored only four points in the final 5:21 and shot one of nine from the field.

"We didn't do our job," Jackson said. "They did."

Ray Allen's hot shooting

Boston guard Ray Allen acknowledged that "I don't think I ever got in the flow" because of his five fouls in the Lakers' 102-89 Game 1 victory. Which led to a listless 12-point performance in only 27 minutes. He proved in Game 2 how that rhythm can make a difference. He scored a team-high 32 points on 11-of-20 shooting, including eight of 11 from three-point range. It's a mark that set an NBA Finals record for three-pointers made in a game, a feat Allen previously tied in the 2008 Finals along with former Chicago Bulls forward Scottie Pippen (1997) and Houston Rockets guard Kenny Smith (1995).

"I didn't think it was easy," Allen said. "There's so much going on out there from great screens being set to misdirection plays. . . . I thought they did everything they could to keep me from shooting threes and they worked tirelessly."

But a combination of defenders ranging from Fisher, Shannon Brown and Bryant did very little to stop Allen from scoring 27 first-half points with a seven-of-eight effort from three-point range. Even if Jackson and Bynum suggested Boston benefited from moving screens, the reasons for Allen's hot shooting appeared as varied as the shots he made.

"It's tough, especially when he's making them," Brown said. "You have to be really alert to him."

Allen's timely, efficient and quick off-ball movement remained a beauty to watch, with sharp cutting and graceful penetrating making it look so easy. The Lakers had trouble chasing Allen as well as adjusting to Boston's off-ball screens, making the various defensive assignments of Fisher, Brown and Bryant all but ineffective. And the Lakers' poor shot selection in the first half largely only exacerbated that effort.

Allen made his first seven attempts from downtown, and then broke the record with 4:40 left in the third quarter after Boston forward Glen Davis kicked the ball out to him after an offensive rebound. Limiting Allen's 27 first-half points on nine-of-14 shooting would have made the game much different considering no other Celtics player scored more than five first-half points. Still, Allen scored only five points in the second half, meaning the Lakers had other problems that contributed to their loss.

"It makes it tough because you're in a 4-on-4 situation, but if there are screens involved, it becomes a 4 on 3," Fisher said. "That makes it difficult. As great as he shot the ball, that's something we can withstand."

Rondo turns it around

As soon as Rondo returned to his hotel room following the Celtics' Game 1 loss, he replayed the performance with the volume down. He didn't want to hear the commentators assessment, but he wanted to know how the Lakers limited him in Game 1.

"Getting the loose balls, I think that was key for me personally," Rondo said, "trying to track down all the long rebounds."

That's exactly what he did in Game 2, finishing with 19 points on eight-of-18 shooting along with 12 rebounds and 10 assists, good enough for a triple-double, a feat he downplayed because he expressed more concern about the team winning. It makes sense considering that much of Rondo's limitation in Game 1 had to do with the fact that the Celtics weren't getting run-outs and transition opportunities.

But with the Lakers struggling with their shot selection, getting outrebounded 44-39 and struggling to adjust on defensive rotations, Rondo's performance peaked. It essentially became the Celtics' backcourt running the show, with Paul Pierce and Kevin Garnett combining for a four-of-16 clip from the field.

Bynum ranked Rondo in the top three among point guards in the NBA. Jackson called Rondo "the difference-maker in the second half." And the performance, Gasol argued, exacerbated the Lakers' struggles in playing transition defense.

Foul trouble affects rhythm

This issue left many of the Lakers dancing around the question. "It's going to be that way from game to game," Jackson said. "You've got to play," Bryant offered. "They were in foul trouble too," Lakers forward Ron Artest argued.

Artest is correct, with both teams collecting 29 fouls. But all of the Lakers acknowledged those calls affected the team's rhythm, confidence and matchups. Lakers forward Lamar Odom scored only three points on one-of-three shooting in 14 minutes and 38 seconds after picking up three fouls in the first quarter, marking the second consecutive game he's been limited because of foul trouble. The situation caused Gasol to switch to the post instead of the wing, the Lakers without a versatile option and Odom to laugh to himself when a reporter suggested the officials made plenty of "phantom calls."

Odom said: "It's important our key players are able to play."

Bryant collected his fourth foul with 6:19 left in the third quarter and sat out the rest of the period. He was given his fifth foul at the 11:15 of the fourth period, leading Bryant to acknowledge Boston tried to bait him into getting fouls. Artest's two consecutive fouls late in the game rattled him enough to turn the ball over on the next play. And Bynum picked up three of his five fouls in the final period.

"You've just got to be careful," Bryant said. "I don't expect to be picking up five fouls in the next game. You've got to play. You've got to play your game and let the whistles sort themselves out."

Bynum continuing to impress

In the week leading up to the 2010 NBA Finals, Bynum pondered the question on whether the Lakers would've won two years ago had his injured left kneecap not kept him on the sideline. He wasn't sure if the outcome would've changed, but he couldn't help but wonder what would have happened had he been healthy enough to play.

That's a question that will never be answered. But the Celtics are finding out the hard way what his presence has meant for the Lakers' success in the 2010 Finals. He tied his playoff career-high with 21 points on six-of-10 shooting and six rebounds in 35 minutes. His effort, combined with Gasol (25 points on seven-of-10 shooting and 13 rebounds), served as the team's lone bright spot and a sign the Lakers didn't get the ball inside enough. Still, Gasol argued there's "not really much of a point talking about my individual performance because it's a disappointing loss for our ballclub."

But in Bynum's case, it is a comforting sign given the torn cartilage in his right knee made the Lakers and their fans uncertain how effective he'd be against Boston.

"I was just pleased that he could play 35 minutes plus," Jackson said of Bynum. "That was a big part of that effort that he gave us tonight."

And it was another stepping stone after contributing a modest but effective 10 points on four-of-six shooting in Game 1. His performance in Game 2 largely pointed to the confidence that Bynum has to have to remain effective as well as the confidence his teammates need to have in working with him on the floor.

When Gasol launched an alley-oop pass in the first quarter to Bryant, he performed a touch pass over Perkins into the hands of Bynum for the easy score. When Bryant passed the ball to Gasol at the free-throw line in the third quarter, Gasol lobbed the ball to Bynum, whose long wingspan enabled him to grab the ball easily over Perkins for the two-handed slam. And Bynum's seven blocked shots contributed to the Lakers' 14 blocked shots.

Though it appeared Bynum would be in for a challenge this series against a talented front line, he actually feels he can excel the most against the Celtics because the Lakers have the ability to control the tempo and play a half-court game.

"It's definitely a better matchup," Bynum said, comparing the transition teams the Lakers met in the Western Conference playoffs, including Oklahoma City and Phoenix. "I'm doing as much as I can with the knee and making sure it doesn't get any worse."

Still, Bryant wasn't about to shed light on Bynum's performance, considering how everything else mostly went wrong.

"It has nothing to do with scoring," Bryant said. "Nothing. It's all defensively. We gave them too many easy baskets and blew too many defensive assignments. That's it."

--Mark Medina

Follow the L.A. Times Lakers blog on Twitter: twitter.com/latmedina. E-mail the Lakers blog at mgmedin@gmail.com

Photo: Lakers guard Kobe Bryant tries to get around Celtics guard Tony Allen on a drive by ducking under his arm in the fourth quarter of Game 2 on Sunday. Credit: Luis Sinco / Los Angeles Times

Photo: Lakers forward Ron Artest tries to split the defense of Boston forward Paul Pierce (34) and point guard Rajon Rondo in the second half of Game 2 on Sunday. Credit: Robert Gauthier / Los Angeles Times.

Photo: Lakers guard Kobe Bryant makes it difficult for Boston guard Ray Allen to get a good look at the basket on a drive in Game 2 on Sunday. Credit: Wally Skalij / Los Angeles Times.

Photo: Point guard Rajon Rondo scores over Lakers power forward Pau Gasol during the Celtics' 11-0 run late in the fourth quarter that helped seal the Game 2 victory for Boston on Sunday. Credit: Luis Sinco / Los Angeles Times.

Photo: Lakers center Andrew Bynum draws a foul from Celtics power forward Kevin Garnett in the second half of Game 2 on Sunday. Credit: Robert Gauthier / Los Angeles Times.

 

 

Things you can do from here:

• Subscribe to Lakers Blog using Google Reader
• Get started using Google Reader to easily keep up with all your favorite sites

 

 

--
To post, send email to dyab1512@googlegroups.com
Visit Us at http://groups.google.com/group/dyab1512?hl=en
DYAB Cebu Live Webcast: http://tinyurl.com/abcebu
DYAB Web Log: http://dyab-cebu.blogspot.com/
Chat with Us: Our account name is dyab1512 for Yahoo Messenger, Google Talk, ICQ, Skype, GMail Chat and MSN Messenger

Arangkada of Leo Lastimosa for June 8, 2010

                        Luba sa pagpakisayod

 

            Kon pasikaran ang listahan nga gipagawas sa buhatan ni House Speaker Prospero Nograles, unom ka kongresista sa Sugbo ang nakaapil og patay sa Freedom of Information (FOI) bill.  Kay kabahin sila sa 140 ka kongresista nga wa motubag sa roll call sa kataposang adlaw sa sesyon sa House of Representatives, maoy hinungdan nga way nakuha nga quorum ug wa mapasar ang balaodnon nga mohimo na untang mas sayon sa pagpakisayod sa mga magbubuhis sa mga transaksiyon sa kagamhanan.

            Ang mosunod nga mga kongresista sa Sugbo gihulagway sa buhatan ni Nograles nga mahimong nipalta o nitambong sa sesyon apan wa maningog dihang gitawag ang ilang mga ngan:  Eduardo Gullas sa unang distrito; Pablo Garcia sa ikaduhang distrito; Pablo John Garcia sa ikatulong distrito; Celestino Martinez Jr. sa ikaupat nga distrito; Ramon Durano VI sa ikalimang distrito; ug Pastor Alcover Jr. sa Anad Partylist.

                        -o0o-

            Ang kadagkoan sa Simbahang Katoliko ug non-government organizations niawhag sa mga botante pagsilot sa mga kongresista nga nipatay sa FOI pinaagi sa pagsalikway nila sa umaabot nga piniliay.  Kay ang mga opisyal sa kagamhanan nga di ganahang mobukas sa ilang transaksiyon ngadto sa publiko angayng dudahan nga may nangalisbo nga mga tinagoan.

            Si Kongresista Bienvenido Abante, nga maoy nangamahan sa FOI, nibutyag nga dayong sugod sa sesyon, gisugo siya ni Speaker Nograles sa pagbasa og pakigpung nga mopasalig sa mga kongresista nga ang balaodnon di retroactive.  Sa ato pa, maggamit lang alang sa umaabot nga mga transaksiyon, way apil ang nangaging mga transaksiyon.  Apan wa pa gani siyang kabarug, sa lakang nga giisip ni Abante nga pagbukubuko niya, gikuwestiyon nang quorum.

                        -o0o-

            Tulo ra ka Sugbuanong kongresista ang makalikay sa kasilag sa mga botante—kana, kon takos na silang mohinumdom sa nangaging mga atraso sa ilang mga politiko.  Ang mosunod mao ray naapil sa 128 ka mga magbabalaod nga andam na untang motuki sa FOI:  Silang Raul del Mar, Antonio Cuenco ug Nerissa Soon-Ruiz.

            Malili sab sa listahan sa Kongreso nga ang gitawag nga kongresista sa ikaupat nga distrito di na si Benhur Salimbangon.  Kon dili si Martinez na nga giila sa Korte Suprema nga maoy tinuorayng mananaog sa piniliay sa 2007.  Giila lang hinuon si Martinez sa iyang apelyido, way "Celestino Jr."

                        -o0o-

            Dul-an na sa 100 ka mga nasud sa tibuok kalibotan ang dunay susamang mga balaod.  Ang labing karaan mao ang Freedom of the Press Act of 1766 sa Sweden.

            Ang labing batakang prinsipyo sa tanang balaod nga naghatag og kagawasan sa pagpakisayod mao ang pagbalhin sa burden of proof gikan sa nangayo ngadto sa gipangayoan:  Ang nangayo sa kasayuran di kinahanglan nga mohatag og katin-awan, apan ang gipangayoan maoy angay nga mopasabot kon mobalibad.  [30]  leo_lastimosa@abs-cbn.com

Arangkada of Leo Lastimosa for June 7, 2010

                        Puhonan ni Mar

 

            Ang katawhan nagsugod nag dawat ni Makati City Mayor Jejomar Binay isip sunod nga bise presidente.  Kini bisan wa pa siya maproklamar uban ni Senador Noynoy Aquino, kay may lima pa ka COCs (certificates of canvass) nga iskutenyuhon; ug may nag-ung-ong pang mga petisyon si Senador Mar Roxas nga ipauwahi ang proklamasyon sa bise presidente ug ablihan ang compact flash (CF) cards aron masusi nganong niabot og kapin sa tulo ka milyon ang null votes alang sa ikaduhang labing taas nga katungdanan sa nasud.

            Dinhi sa Sugbo, nagkadaghan nang mga politiko ang nangangkon nga nakatampo sa nag-ung-ong nga kadaogan ni Binay.  Nikumpisal nga gisukip nilang ngan ni Binay sa sample ballots sa nag-unang mga kandidato pagka presidente.

-o0o-

            Ang bantogang mga kauban ni Binay sa Mabini, ang pundok sa mga abogado nga maisugong nilaban sa mga biktima sa pagpangyatak sa tawhanong katungod atol sa diktadurang Marcos, nakasaksi sa bag-ong pagtahud nga naangkon sa kaniadto tigbitbit lang sa bag ni anhing senador Lorenzo Tanada.

            Usa ka maglilindog nitandi sa pag-iway sa mga tawo sa usa ka luhong kan-anan sa Makati dihang niagi si Binay ngadto sa paghiwa sa Red Sea.  Si Senador Joker Arroyo nikomedya nga naangkon sab niya ang samang pagtahud dihang siya pay "little president" ni anhing presidente Cory Aquino.  Si Senador Rene Saguisag nihana pagluhod ug nitawag ni Binay nga "bagong panginoon."

-o0o-

            Ang lima ka COCs nga wa pa ma-iskutenyo sa Kongreso naglakip sa 1.4 milyones ka boto gikan sa Davao City, Bacolod City, Mountain Province, Eastern Samar ug Lanao Del Sur.  Ang tulo (Davao, Lanao ug Samar) giisip nga mga teritoryo ni Binay.  Ang dakong labaw ni Roxas sa Bacolod ug ang gamay niyang labaw sa Mt. Province giingon nga di nang kapapas sa gibanabanang 700,000 ka boto nga labaw ni Binay.

            Samang mga numero nahuptan na sa kampo ni Roxas gikan sa ilang kopya sa election returns (ERs) niadtong nangangkon pa nga silay modaog.  Karon, wa na maghisgot og kadaogan apan ang null votes nay gustong ipasubli.

-o0o-

            Nga seguro nang isalikway sa Kongreso.  Kay sa piniliay niadtong 2004, niabot og 3.1 milyones ang null votes sa presidente ug 5.1 milyones ang null votes sa bise presidente.  Niinsistir ang mga abogado ni Binay lisod lalison ni Roxas ang mga botante nga wa mamotar o nasayop pagbotar og bise presidente.

            Niangkon na sa iyang kapildehan si kanhi presidente Joseph Estrada.  Makaayo sa tanang hingtungdan kon sundon siyang Roxas.  Sa di pa mausik ang higanteng politikanhon nga puhonan sa dako niyang sakripisyo alang ni Noynoy.  Nga inay makapahimo niya nga labing gamhanan nga bise presidente, karon makapahimo niya nga labing gamhanan nga di bise presidente.  [30]  leo_lastimosa@abs-cbn.com