Pit Senyor wants to keep up with you on Twitter

Pit Senyor wants to keep up with you on Twitter Twitter connects you with everything you want to know, right now. Short bursts of information are readily available from news organizations, corporate entities, politicians, celebrities, local businesses - even your close friends and family. Also, if you have something to share with the world, Twitter makes it super easy. To join for free, click the link below. http://twitter.com/i/3598cac7d20d5c70c3d480bb0440d3f3ea625048 Thanks, @twitter About Twitter, Inc. Founded in 2007, Twitter Inc believes the open exchange of information can have a positive global impact. Every "Tweet" is limited to 140 characters of text or links which means they are easily written or read on a wide variety of services and devices including any mobile phone, social networks, television, Macs, PCs, and the Web. This message was sent by a Twitter user who entered your email address. If you'd prefer not to receive emails when other people invite you to Twitter, click here: http://twitter.com/i/o?c=uCv7Vz6lqGMweXHss5cSe7yfEhoXCLsdYn%2F%2FfO67mlu%2B6YMGHTvB6g%3D%3D Please do not reply to this message; it was sent from an unmonitored email address. This message is a service email related to your use of Twitter. For general inquiries or to request support with your Twitter account, please visit us at Twitter Support.

Arangkada of Leo Lastimosa for January 17, 2010

                   Duwa sa bata

 

          Ouano Wharf, Mandaue City—Ang fluvial procession gahapon maoy labing basa ug tugnaw sa 25 ka tuig nang pagpahigayon sa kalihokan matag bisperas sa Piyesta Senyor.  Human basola ang amihan nga maoy hinungdan sa way hunong nga uwan ug kusog nga huros sa hangin sa niaging mga adlaw, ang Pagasa may nakit-an nga low pressure area sa silangang bahin sa Dakbayan sa Hinatuan sa Surigao del Sur.

          Apan labihang linawa sa dagat.  Nga morang wa kahibawo nga angay unta siyang monunot sa kinaiyahan sa ibabaw.  Maong hapsay sa kinatibuk-an ang prosesyon sa dagat nga nibanhaw sa pagdunggo sa imahen ni Sr. Sto. Nino sa pantalan sa Dakbayan sa Sugbo 489 ka tuig na ang nilabay.

-o0o-

          Nipasidaan si Direktor Oscar Tabada sa Pagasa Mactan nga ang uwan ug hangin, kansang gikusgon nga 50 ngadto sa 70 ka kilometro matag takna ikatandi sa hinay nga bagyo, padayon nga mohasol sa mga Sugbuanon hangtod karong Lunes, liwas na sa Piyesta Senyor.

Kon pasikaran ang kabaga sa mga deboto gikan sa Sugbo ug sa ubang bahin sa nasud ug ubang kanasuran sa kalibotan—sa mga prosesyon gikan sa nasudnong shrine ni San Jose sa Mandaue ug sa palibot sa Basilica del Sto. Nino—gipamatud-an nila nga, sa makausa pa, bisan ang hulga sa panahon di makapawong sa ilang pagbalaan sa iyang kapiyestahan.

-o0o-

          Nagpasinguwan ang kasagaran sa mga bata nga nangabot dinhi.  Dihang akong gipangutana nganong wa sila magpandong, mora kong nakahimo og dakong sala.  Nakalimot ko nga ang pagpasinguwan mao diay usa sa labing kinaham nilang duwa.  Apil na sa balaang bata nga gihulagway sab nga sungogan ug laagan.

          Sama sa naandan, ang mga bata maoy niggiya sa mga dagko.  Dihang gitikyop ang mga payong, among nakaplagan nga di diay ingon ana kakusog ang uwan.  Usa sa mga deboto nga nagbitbit sa lima ka tuig niyang imahen nihatag og laing katin-awan:  "Bendisyon ning uwana kay naglinog man sa ubang bahin sa kalibotan."

-o0o-

          Nakatungtong ko dinhi sa labing unang higayon.  Ang unang 24 ka tuig nakong cover sa fluvial procession nipahimutang nako sa dagat sakay sa coastguard, o sa kahanginan sakay sa chopper, o sa announcer's booth sa mga tuig nga way lain nga gustong magpabilin.

          Napahigayon sa ABS-CBN Cebu ang labing unang live TV coverage sa fluvial procession.  Bisan wa palupara sa Air Transportation Office (ATO) ang among Sky Patrol tungod sa kangiob sa panahon.  Sugbuanong pamilya sa Estados Unidos nitug-an nako nga wa sila kapugong sa paghilak pagkakita sa imahen ni Sr. Sto. Nino ibabaw sa galleon nga niliyok sa kadagatan sa Mactan ug Mandaue.  Salamat sa footage nga ilang nakita sa live streaming sa stickam.com/dyab1512 uban ang tabang sa Smart Bro.  [30]  leo_lastimosa@abs-cbn.com

Arangkada of Leo Lastimosa for January 16, 2010

                        Sulog o sungog?

 

            Sinug.  Di Sinulog.  Mao ni ang tawag sa katiguwangan sa Sugbo sa sayaw alang ni Sr. Sto. Niño.  Gitawag nila og "Sinug" ang sayaw niadtong ang katuyoan lunlon pa nga pagbalaan sa milagrusong bata.  Matod nila nitumaw na lang ang ngan nga "Sinulog" dihang gisayaw na sa gawas sa Basilica del Sto. Niño alang sa kulturanhon ug ubang katuyoan.

            Si Dr. Jose "Sir Dodong" Gullas nipahinumdom sab nga "Sinug" ang tinuod nga ngan sa sayaw.  Apil mi sa iyang gipahinumdoman atol sa mga tigom nga iyang giduma paghingpit sa pagpangandam sa "Halad 2010," nga nilab-as sa mga awit ug kinaiyang Sugbuanon ug nipasidungog sa bantogang mga kompositor ug mag-awit, nga gihugopan sa mga Sugbuanon niadtong Miyerkules.

                        -o0o-

            Si Sir Dodong gidasonan sa mga katiguwangan sa Mabolo.  Nga maoy gipasidunggan nga nakasunod ug nakakat-on sa orihinal nga sayaw gikan sa ilang mga ginikanan ug nitudlo sa mga lakang ngadto sa sunod nga kaliwatan.  Si Estelita "Inday Titang" Diola, 80, tulo ka tuig pa lang dihang nisugod pagkuyog sa pundok sa iyang amahan nga si Buenaventura pagpangaliya ni Sr. Sto. Nino pinaagi sa sayaw.  Siyay giila nga labing suhito ug labing maayong magtutudlo sa tinuod nga "Sinug."

            Si Inday Titang nipuli pagpangu sa mga mananayaw dihang namatay ang iyang amahan.  Nahibung na lang si Inday Titang nganong nausab nang ngan sa sayaw.  Wa na siyang kamatikod kanus-a gisugdan paggamit ang "Sinulog."

                        -o0o-

            Ang mga tigpasiugda sa pagpalapad sa Sinulog 30 ka tuig nang nilabay nitudlo nato nga ang Sinulog gikan sa pung nga "sulog."  Ilang gihulagway ang sayaw nga susama sa sug o tapya sa tubig sa tampi sa sapa sa karaang Pahina.

            Apan si Inday Titang way nahinumdoman nga kalambigitan sa iyang gihigugma nga sayaw ngadto sa sug ni sa sapa.  Matod niya ang "Sinug" maoy sayaw nga pagsungog o paghagwa.  Nga gituohan sa iyang katiguwangan nga mao ang labing makadapit sa pagtagad ug masabtan sa milagrusong bata.

                        -o0o-

            Mahimong ang "Sinug" minubo lang sa "Sinulog."  Sama sa "dan" sa "dalan," "kayo" sa "kalayo" ug "bay" sa "balay."  Nga segun sa nangangkon nga mga eksperto sa atong dila maoy bunga sa tinapolan nga paglitok sa mga Sugbuanon.  Apan may lain pang mga pagtuo:  Nga ang "Sinulog" gikan sa pung nga "saulog;" o gikan sa dakong sunog sa Sugbo sa panahon ni Hari Tupas nga napakyas pag-ugdaw sa imahen ni Sr. Sto. Niño.

            Mahimo sab nga ang "Sinulog" maoy mas dali nga ibaligya ngadto sa higanteng mga kompaniya.  O mas haom nga isiyagit alang sa kiat-kiat ug patigayon sa ngan sa balaang bata.  Apan sakto silang Sir Dodong ug Inday Titang.  Di angayng usbon ang kasaysayan.  Kay pagbudhi na sa atong kagahapon.  [30]  leo_lastimosa@abs-cbn.com

Arangkada of Leo Lastimosa for January 14, 2010

                        Raket sa LTO

 

            Daghang salamat sa Korte Suprema.  Bisan 14 sa 15 nila ka mga sakop tinudlo ni Pres. Arroyo, gipamatud-an sa labawng hukmanan nga mahimo nilang ipatigbabaw ang balaod bisan batok sa mga interes sa pamunoan:

·        Gipugngan nilang pagpatuman sa RFID (radio frequency identification device) bisan nag-aliwaros nang mga itoy ni Arroyo pagdalidali pagpatuman sa P2.5 bilyones nga programa upat ka buwan sa di pang piniliay sa Mayo;

·        Gitugotan nilang makaapil sa piniliay ang Ladlad human gitunglo sa Comelec nga imoral ang katuyoan sa kahugpongan; ug

·        Gipatigbabaw nilang kadaogan ni Tining Martinez pagka kongresista sa ikaupat nga distrito sa Sugbo bisan mas sikit sa Malakanyang si Benhur Salimbangon.

                        -o0o-

            Mahimong di pa diay matapos ang kalibotan kon mopahuway na si Chief Justice Reynato Puno, ang bugtong nahibilin nga di pa tinudlo ni Arroyo (tinudlo siyang kanhi presidente Fidel Ramos), karong Mayo ug kon, suma sa gikahadlokan sa nagpakabana nga mga hut-ong sa katilingban, magpaugat si Pres. Arroyo pagtudlo og puli niya bisan ginapos pa sa pagdili sa pagtudlo og mga opisyal atol sa election period.

            Mahimo diay nga, samang Puno, nahuptan na pagbalik sa mga maghuhukom ang ilang kabuot ug kaligdong human sila natudlo ni Arroyo sa Korte Suprema.  Mahimo diay nga, samang Puno, makaangkon sila og kaisog pagbatok sa pinatuyangan nga pagpangyatak nilang Arroyo ug sa iyang mga alyado sa katungod sa katawhan.

                        -o0o-

            Ang RFID di mapatuman pinaagi lang sa stickers.  Nagkinahanglan ni og higanteng infrastractura.  Nga hangtod karon, bisan nagsugod nang Land Transportation Office (LTO) pagpangolekta og P350 sa matag nagparehistro nga sakyanan, wa pa matukod.  Wa pa gani hisguti.  Labaw nang wa ipasabot sa mga magbubuhis.

            Labaw nang way klaro kanus-a iuli ang nakolektang bayranan sa kadagkoan sa LTO.  Kinsa nagpapating sa awhag nga ibalik sa labing daling panahon ang bayad sa nabiktimang mga motorista.  Kon iiban sa umaabot nga mga bayranan sa mga tag-iya og sakyanan, mahimong abtan pa og tulo ka tuig.  Kon di maapsan sa kalimot.

                        -o0o-

            Kadudahan nang daan ang katakos ug kaandam sa LTO pagpatuman sa RFID, mas hanap pa gyod ang ugma ning labing bag-ong proyekto kon pasikaran ang gidangatan sa nag-una nilang mga pagsaway pagtarung sa industriya sa transportasyon:

·        Ang MVIS (motor vehicle inspection section), nga gitahasan pagsusi sa roadworthiness sa magpa-rehistrong mga sakyanan, napakyas pagbadlong sa kagang-kagang ug nagkawilkawil nang mga sakyanan nga padayong nagbahas-bahas sa kadalanan ug nakapa-peligro sa kinabuhi sa mga motorista ug mga pasahero;

·        Ang smoke emission testing centers napakyas pagpahunong sa mga sakyanan nga padayong nagbugwak og usa ka toneladang itom nga abo nga nakahilo sa tanang nagginhawa; ug

Ang drug testing centers nisugot lang nga hatagan og tubig nga de kolor sa mat-an nga mga drayber nga nagpa-renew sa ilang lisensiya.  [30]  leo_lastimosa@abs-cbn.com

Arangkada of Leo Lastimosa for January 13, 2010

                 Noynoy v. Villar

 

          Si Senador Manny Villar di mangayo og pasaylo nga bilyonaryo siya.  Ug nga dako na siyag gasto sa iyang advertisements sa radyo ug telebisyon.  Nisaad si Villar nga di gamiton ang Malakanyang pagbawi sa iyang gasto.  Gani, ang iyang gasto maoy gihimong panagang sa pasangil nga itoy siya ni Pres. Arroyo.

          Matod ni Villar di siya magawongan ni Arroyo.  O ni bisan kinsa.  Kay way nautangan sa gasto sa dugay rang nakabuylo niyang kampanya.  Matod ni Villar gikan sa iyang bolsa ang matag peso sa iyang dakong gasto.  Kadaghan gyod diay niyag kuwarta.  Apan nganong ang ikog sa iyang ads nagkanayon man, "This ad is paid for by friends of Manny Villar"?

                   -o0o-

          Gitataw ni Villar nga, lahi ni Senador Noynoy Aquino nga wa pay ikapakita sa iyang gipasalig nga dakong kausaban sa nasud ug sa kagamhanan, kadaghan na niya napamatud-an nga di siya managana ni motalaw pagbarug batok sa iyang gituohan nga makadaot sa nasud ug sa katawhan:

·      Isip house speaker, iyang gi-impeach si kanhi presidente Joseph Estrada nga labihan pa ka-popular ug ka-gamhanan niadtong 2000;

·      Sakop sa iyang gibanhaw nga Nacionalista Party, si Kongresista Gilbert Remulla, maoy nangu sa imbestigasyon sa House sa Hello Garci scandal nilang Pres. Arroyo ug kanhi Comelec commissioner Virgilio Garcillano; ug

·      Laing haligi sa Nacionalista Party, si Senador Alan Peter Cayetano ang nangu sa imbestigasyon sa Senado sa NBN-ZTE scandal sa wa pa kudetaha ang iyang liderato sa Senado.

                   -o0o-

         Pipila sa mga bagahe nga sagubangon ni Aquino sa iyang pagkuwestiyon sa kaligdong sa iyang mga kaatbang mao ang ka-wa niyay ikapakita gawas sa pagpangangkon nga wa siya mangawat.  Nga morang sablig sa lab-as nga tubag atubangan sa nangalisbo nga mga transaksiyon nga gisudlan sa mga nagtungkawo sa gahom.  Apan sa pagdis-og sa kampanya inanay nga nilampos ang iyang mga kaatbang pagpugas og pagduda nga di paigo ang wa niya pagpangawat kon wa say ikapakita unsay iyang nabuhat.

        Kay sa kinatibuk-an niyang paglingkod sa Kongreso, ambot tungod ba kaha sa kakuwang niya og politikanhong ambisyon, o di lang gyod ganahan nga mosalida, o di lang sab gyod ingon ana kakugihan ug ka-determinado pagduso sa iyang mga kawsa, wa gyoy nakadungog niya.

                    -o0o-

        Apan labihan na gyod tingaling purdoya sa moralidad sa atong politika nga dihang nipahibawo si Noynoy sa iyang kandidatura, giisip sa kinabag-an sa katawhan nga igo na nga wa siya magpakauwaw sa iyang pangatungdanan ug sa talagsaong kabilin sa pangalagad sa iyang mga ginikanan.  Tungod sa kahugaw sa uban nga mga nagpapili, igo na nga wa magpalamoy si Noynoy sa lang-og, bahala na kon wa say ikapanghambog nga mga nahimo.

        Mas dako ang bagahe ni Villar.  Ang wa pag-atubang sa mga pasangil sa kahiwian sa "C-5 at tiyaga" makapaturok sa kahadlok nga wa siyay kalainan.  Sa gikasaligan nga mantaga nga buot niyang pulihan.  [30]  leo_lastimosa@abs-cbn.com

Arangkada of Leo Lastimosa for January 12, 2010

                        Hudlat sa pakisayod

 

            Di mabasol ang mga sakop sa media nga naghinam-hinam nga mapasar sa duha ka bay balaoranan ang balaodnon nga mopatigbabaw na gyod sa katungod sa katawhan pagpakisayod sa mga transaksiyon sa kagamhanan.  Kay bisan sa kadaghan na sa mga balaod nga nanalipod sa katungod sa pagpakisayod, nilampos ang nagkalainlaing mga buhatan sa kagamhanan pagtago sa ilang gigastohan sa buhis sa katawhan.

            Ug ang mga sakop sa media nga nangahas pagpaningil sa obligasyon sa kadagkoan sa kagamhanan maoy labing nasugamak.  Gilipat-lipat sila, gituyuk-tuyokan, giulug-ulogan ug gisaad-saaran.  Sa wa pa hingpit nga gibalibaran bisan sa labing yano nga mga dokumento nga ilang gipangayo.

                        -o0o-

            Unang nakapasar sa ilang bersiyon sa Freedom of Information bill ang House of Representatives niadtong Mayo 12, 2008.  Ang bersiyon sa Senado sa samang balaodnon napasar niadto lang Disyembre 14, 2009.  Apan gawas nga mas maayo ang mga probisyon sa bersiyon sa Senado, ang liderato sa House wa na mopakita og interes pagtiwas pagpasar sa balaodnon sa nahibiling mga adlaw sa ilang sesyon.

            Nahingpit nang delegasyon sa Senado alang sa bicameral conference committee nga maoy mohukngay sa nagkasungi nga mga probisyon sa duha ka bersiyon.  Nagpakabana nga mga sakop sa media nitataw nga duhay kapilian ni Speaker Prospero Nograles:  Pagdason sa rekomendasyon sa pipila ka kongresista nga sagupon na lang ang bersiyon sa Senado; o pagtukod sa House delegation aron makasugod nang trabaho sa bicameral conference committee.

                        -o0o-

            Niang labing maayong mga probisyon sa balaodnon sa Senado:

·        Tino nga lagda pag-atiman sa gipangayong kasayuran sud sa pito ka adlaw;

·        Pagtakda nga katagoan lang ang mga dokumento tungod sa nasudnong seguridad, relasyon sa ubang kanasuran, pagpatuman sa balaod, personal privacy, tinagoan sa negosyo ug executive sessions sa Kongreso;

·        Tukmang mga kaso batok sa mga mobalibad;

·        Pagbutyag sa mga transaksiyon sa infrastractura ug kauyonan nga di kinahanglang awhagon;

·        Pagmando sa mga buhatan sa kagamhanan paggiya sa publiko sa ilang katungod pagpakisayod.

                        -o0o-

            Pagkakaron, sayon alang sa Kapitolyo sa Sugbo ang paghikaw gikan sa mga magbubuhis sa mga dokumento mahitungod sa CICC ug pagpalit sa katunggan sa mga Balili.  Kay kon modangop ang mga magbubuhis sa Visayas Ombudsman, seguro man sila nga siyam-siyaman.

            Ang bugtong nilang kadangpan mao ang mga sakop sa media.  Kansang bugtong hinagiban mao ang ilang mga tulomanon sa radyo ug telebisyon ug mga luna sa pamantalaan.  Bugtong nilang dag-anan mao ang kadaghan sa mga magbubuhis nga makabati ug makakita sa ilang mga sibya ug makabasa sa ilang mga sinuwat.  Apan mapilde ang tanan kon, tungod sa kakuwang sa klarong lagda, makapatuyang ang mga opisyal sa kagamhanan sa pagpanghudlat; ug kon, tungod sa kakutas sa pagpakisayod, ang media magpahudlat na lang sab.  [30]  leo_lastimosa@abs-cbn.com

[DYAB 1512] Cut Travel Costs

PRACTICAL TRAVELER

10 Ways to Cut Your Travel Costs This Year

By MICHELLE HIGGINS

LAST year was arguably the year of the travel deal, with resorts and airlines practically begging for bookings, and many travelers finding bargain airfares and hotel rooms as a result. But airlines have cut back capacity, meaning there will be fewer seats going unsold, and resorts may not be as quick to cut rates to attract guests, now that the economy looks as if it might be on a slight rebound. So now is the perfect time to review your booking strategy. Here are 10 simple steps you can take to help cut your travel costs in 2010.

1. Sign Up for a Twitter Account

An increasing number of travel companies are using Twitter to market their brands, often by tweeting exclusive deals to followers. JetBlue calls out last-minute discounts at JetBlueCheeps on Tuesday mornings. A recent example: "$89 BOS to LAS this Sat. LAS to BOS this Mon. or Tues. 25 seats avail or til 6 pm ET." Fairmont Hotels offers its Twitter followers special discounts before anyone else.Farecompare's "flyfrom" Twitter feed offers location-specific fare sales when you plug in your home airport's three-letter code, as in flyfromNYC.

All you need to do is sign up for a free account at Twitter.com and start following the companies you like or travel experts who do the work for you. (You can find me at MichelleHiggins.)

2. Find the Cheapest Dates to Fly

ITASoftware.com, which provides the technological backbone for many airfare shopping sites, allows users to scan an entire month's fares for the least expensive rate. (Log in as a "guest" and click on "month-long search." ) In January, the 28th and 30th were the cheapest dates to fly nonstop to London from New York ($536) for a week's vacation, according to a recent search. The next best was Saturday, Jan. 23, at $640. To book the ticket, users must go to another site. Kayak.com has a flexible-dates option (registration is required) and a calendar that shows the best fares found by other Kayak users in the last 48 hours. Bing Travel, the Microsoft search engine, offers a similar option, found under "plan trips," about halfway down the page.

3. Consider Nearby Airports

A recent Web search showed nonstop flights from Los Angeles International Airport to Miami International from $299 round trip on American in early January. But flying into Fort Lauderdale, roughly 30 miles north of Miami, was $219 on Virgin America, an $80 saving.

4. Go Against the Grain

If possible, avoid popular travel dates like holidays and spring break because airlines have begun to charge anywhere from $10 to $30 extra at those times. Farecompare.com offers a handy breakdown of the new fees by date, airline and amount. Early-morning and late-night flights may also be cheaper depending on the route.

5. Track Price Even After Buying

Airlines have long offered to refund the difference in their fares (minus a change fee) in the form of a voucher to customers who ask. Using your confirmation number, Yapta.com will automatically track the price of your ticket, taking the airline's fees into consideration, and send you, without charge, an e-mail message or Twitter alert notifying you of the lower price. You can then call the airline to claim the credit.

Similarly, Travelocity.com promises to refund the difference in price for prepaid hotel reservations if you find the same room for a cheaper rate online before check-in.

6. Take the Bus

Cheap express buses with names like BoltBus, Megabus and Washington Deluxe have become increasingly popular along the Northeast Corridor and elsewhere, with seats for $25 or less, depending on when you reserve. With amenities like more legroom, power plugs at every seat and free Wi-Fi, the bus ride, though longer, can often be more tolerable than a flight that costs 10 times as much. Search for seats at GotoBus.com or BusJunction.com.

7. Roll the Dice

Sites like Priceline.com, Hotwire.com and Lastminutetravel.com offer deep discounts to travelers willing to pay before learning the names of the hotels, airlines or car rental agencies they're committing to. To help you find the best rate, Biddingfortravel.com andBetterbidding.com provide strategic advice and offer tips from other travelers on how to navigate the system.

Getaroom.com offers a new twist to this gamble that may be more agreeable for risk-averse travelers. Unlike these other discounters, Getaroom tells customers the name of the hotel and price before booking. But it offers an even lower rate through its call center — typically 10 to 25 percent off — to travelers willing to pay for the room before finding out just how much of a discount they're getting.

8. Go Rental

Tourists in most European cities can easily pay $200 a night for basic hotel rooms. By contrast, an apartment or villa can be rented for as little as $1,100 a week in Paris or Rome. Homeaway.com, Zonder.com and Rentalo.com are just a few of the many rental Web sites available. Some specialize in specific regions like Rentvillas.com for Europe or Wimco.com for the Caribbean.

9. Make Yourself at Home

For a 6 to 12 percent booking fee, AirBnB.com connects budget travelers with locals who are offering a place to bed down. The Times's Frugal Traveler, Matt Gross, described it as "a cross between CouchSurfing.com and the vacation rentals section of Craigslist." There were more than 2,000 listings in a recent search for New York including a futon in a one-bedroom near Gramercy Park ($65) and a bedroom with private bath and separate entrance in Hell's Kitchen ($150).

10. Study the Fine Print

Play close attention to which airline you are actually flying, particularly on international flights. With code sharing, you may book a flight to Paris on Delta, for instance, and end up traveling with Air France, a code share partner with Delta.

But while the flight may be the same, the price often is not. Sometimes the difference can be negligible — say, $609 on SAS on a January nonstop flight from Newark Airport to Stockholm versus $627 for that same flight when booked through United. Or $817 for an American flight from New York to Lima versus the $693 that same flight would cost when booked through American's code share partner, LAN.

There are times though when the difference can be substantial, particularly when the code share partner may be a foreign carrier not well known to American travelers.

Here are some examples, based on a search on Kayak.com for flights in late January, where the round-trip fares vary greatly depending on which code share partner you book through. (Click on "details" for a breakdown of the flight's particulars.) New York to Singapore: $1,319 on Cathay Pacific; $1,817 on American. New York to Marrakesh: $1,098 on Royal Air Maroc; $3,257 on Delta. New York to Cairo: $908 on Egypt Air; a stunning $4,650 on United.

Leo Lastimosa
DYAB Manager
+639228227133
http://www.stickam.com/dyab1512
http://dyab-cebu.blogspot.com/

Arangkada of Leo Lastimosa for January 11, 2010

                        Pinalutaw ni Greg

 

            Di angayng mahibung si Bise Gobernador Greg Sanchez.  Kon, inay tiningob nga paghigop og hangin sa kahinam panghuy-ab ang tubag sa mga Sugbuanon sa iyang pahibawo nga mohimo og privilege speech atubangan sa mga sakop sa Provincial Board (PB) mahitungod sa pagkahari-harion sa pamunoan ni Gobernador Gwen Garcia.

            Hagbay rang nahibawo ang mga Sugbuanon sa kalidad sa liderato sa Kapitolyo.  Hagbay ra silang nagpaabot og dugang kasayuran mahitungod sa gidudahan nga mga transaksiyon.  Dihang nibuwag si Sanchez gikan ni Garcia, gipakaingon sa mga magbubuhis nga matinuod nang ilang pangandoy.  Apan ang ilang nadawat ni Sanchez mao ra gyod ang mga pamahayag nga pinalutaw—ang-ang puto, ang-ang bingka ug ang-ang sapal.

-o0o-

            Gihimong sukaranan ni Sanchez sa iyang pagbiya sa pamunoang Garcia mao ang nagkasungi nilang baruganan mahitungod sa transaksiyon uban sa mga Balili sa Tinaan, Naga:  Human nabutyag nga natabonan sa dagat ug katunggan ang dakong bahin sa luna nga gibayran ni Garcia og dul-an sa P100 milyones, nangugat si Garcia nga palambuon ang luna apan niawhag si Sanchez nga ibasura ang tibuok transaksiyon.

            Apan nabawo ang mga Sugbuanon sa baruganan ni Sanchez.  Kay di man mahitabong dasonan siya sa mga sakop sa PB, nga kasagaran di kabiya kay pulos utangan og kabubut-on ni Garcia, nagpaabot untang mga magbubuhis og dugang asoy giunsa pagpalusot ang transaksiyon.  Nga mas katuohan kay sa linya sa Kapitolyo nga nasud silang tanan sa bolsa ni PB Member Juan Bolo.

-o0o-

            Mas tabian na si Sanchez dihang gilangay ni Garcia paglab-as ang mga kontrata sa iyang consultants ug mga kawani.  Human niinsistir nga katungod ni Garcia ang pagtaktak sa mga kawani, nilubay karong bag-o ang Kapitolyo.  Nakalili na tingali ang ilang mga abogado sa Local Government Code nga nihatag sa gahom pagpanudlo sa mga kawani sa PB ngadto sa bise gobernador.

            Bisan ang paghilak sa mga kawani ni Sanchez wa makatandog sa publiko.  Mas nakugang sila nga dul-an sa gatos ang consultants ug mga kawani ni Sanchez.  Kay wa man mapiang ang Kapitolyo pagkapupos sa ilang kontrata, mas nakumbinser ang mga magbubuhis unsa ray ilang kapuslanan.

-o0o-

            May mahimo hinuon si Sanchez aron paglikay nga manghagok ang mga Sugbuanon atol sa iyang pakigpung:  Kana kon may nakahunghong na niya nga ang sapal ray biya sa pinalutaw, nga mas halinon kay mas makabusog gyod ang bingka ug puto.

            Hinaot mohunong na pagluwat og mga pamahayag nga taphaw.  Ug mosugod pagpatugkad sa yuta sa mga pasangil sa pagharihari sa mga Garcia.  Makasugod siya pinaagi sa pagpasabot nganong nilingiw sa gikuwestiyon nga mga transaksiyon sa pagtukod sa CICC.  Nganong nisugot man si Sanchez ug ang PB nga ang substructure ray gisubasta?  Ug gibuakbuak ang mga kontrata sa superstructure?  [30]  leo_lastimosa@abs-cbn.com